चांदा ब्लास्ट प्रतिनिधी. प्रा. अशोक डोईफोडे
देऊळगाव राजा शहरातील शंकर प्रासादिक तुरीवाले मंडळ यांचा पलघटी देवी उत्सव प्रतिकात्मक कागदी दैत्त्याचे वध करून संपन्न झाला . .ग्रामदैवत श्री बालाजी मंदिरासमोर हजा रो भक्तांनी घेतला पलभटी देवी दैत्य वध व उत्सवाचा लाभ
देऊळगाव राजा शहरांमधील ३५० वर्षाची परंपरा असलेला पलभटी देवी उत्सव हजारो भक्तांच्या साक्षीने संपन्न झाला . जुना जालना रोड येथील विठ्ठल मंदिर येथून रात्री बारा वाजता पलभरी देवीचे सोंग निघाले . जुन्या वहिवाटी वरून हे सॉंग वाजत गाजत निघाले . .जागोजागी सुवासिनी यांनी देवीचे औक्षण करून ओटी भरली . चतुश्रृंगी देवी येथे महाआरती करण्यात आली .रात्री तीन वाजता शहराचे ग्रामदैवत श्री बालाजी मंदिरासमोर देवीला प्रतिकात्मक कागदी दैत्य दाखवण्यात आला . या दैत्याचे वध देवीने केले . यावेळेस मंदिरासमोर हजारोच्या संख्येने भक्तगण उपस्थित होते . . दैत्य वध झाल्यानंतर पारंपारिक वहिवाटेवरून सकाळी सूर्योदयो सात वाजता विठ्ठल मंदिर येथे देवीचे सोंग उतरवण्यात आले .यावेळेस उपस्थित महिला भक्तांना ओटी देण्यात आली . रात्रभर देवीसोबत भक्तगण मिरवणुकीत सहभागी झाले होते.
सदर पलभटी देवी उत्सवाचे आयोजन शंकर प्रासादिक तुरेवाले पंच मंडळ करतात . मागील ३५० वर्षापासून ही परंपरा देऊळगावकर भक्तीमय वातावरणात जोपासत आहे
