चंद्रपूर- भोगवटा वर्ग 2 मधून भोगवटा वर्ग 1 मध्ये परिवर्तीत करण्यासाठीचे अनेक प्रकरणे मागील काही वर्षांपासून प्रलंबित असल्याच्या तक्रारी वरोरा व भद्रावती तालुक्यातील मागासवर्गीय व इतर शेतकऱ्यांनी राष्ट्रीय मागासवर्ग आयोगाकडे केल्या होत्या त्या तक्रारीच्या अनुषंगाने आयोगाचे राष्ट्रीय अध्यक्ष हंसराज अहीर यांच्या अध्यक्षतेखाली दि. 04 सप्टेंबर 2024 रोजी दुपारी 1 वा. आयोगाची जनसुनावणी होत आहे.
वरोरा येथील कटारिया भवन मध्ये होत असलेल्या या जनसुनावणीला जिल्हाधिकारी चंद्रपूर, उपविभागीय अधिकारी वरोरा, तहसिलदार वरोरा व भद्रावती तसेच महसुल विभागाचे अधिकारी, कर्मचारी उपस्थित राहणार आहेत. तरी संबंधित शेतकरी बांधवांनी राष्ट्रीय मागासवर्ग आयोगाच्या या जनसुनावणीला बहुसंख्येने उपस्थित राहावे असे आवाहन आयोगाच्या वतीने करण्यात आले आहे.
