नगरपरिषद कंत्राटी कामगारांचे कार्यालयासमोर बेमुदत काम बंद व ठिय्या आंदोलन

चांदा ब्लास्ट प्रतिनिधी. अतूल कोल्हे

     भद्रावती नगर परिषदेत कामावर असलेल्या कंत्राटी कामगारांनी आपल्याला किमान वेतन देण्यात यावे या प्रमुख मागणीसह अन्य मागण्यांसाठी दिनांक सहा रोज मंगळवार ला शहरातील बाळासाहेब ठाकरे प्रवेशद्वारापासून ते नगरपरिषद कार्यालयापर्यंत एक भव्य मोर्चा काढून नगरपरिषद कार्यालयासमोर बेमुदत काम बंद व ठिय्या आंदोलनाला सुरुवात केली आहे.या बेमुदत काम बंद आंदोलनात भद्रावती नगर परिषदेतील जवळपास 90 कंत्राटी कामगार सहभागी झाले आहे.

कंत्राटी कामगारांच्या या आंदोलनामुळे शहरातील सफाई व्यवस्थेसह अन्यसेवा कोलमडणार आहे. गेल्या अनेक वर्षांपासून सदर कंत्राटी कामगार नगर परिषद अंतर्गत काम करीत असलेल्या विविध कंत्राटदारांकडे काम करीत आहे. मात्र या कामगारांना ठेकेदारांकडून किमान वेतन देण्यात येत नसल्याचा या कामगारांचा आरोप आहे. त्यामुळे या कामगारांची आर्थिक शोषण होऊन त्यांना अत्यल्प वेतनावर काम करावे लागत असल्यामुळे त्यांना आपले जीवन जगणे असह्य झाले आहे. शासनाच्या नियमानुसार या कामगारांना किमान वेतन देण्यात यावे अशी मागणी कामगारांनी नगरपरिषद प्रशासनाकडे वेळोवेळी केली होती, मात्र नगर परिषद प्रशासनाकडून त्यांच्या मागणीला योग्य प्रतिसाद न मिळाल्याने अखेर या कामगारांनी बेमुदत काम बंद आंदोलनाचे हत्यार उपसले आहे. प्रथम शहरातून भव्य मोर्चा काढून या कामगारांनी आपल्या मागण्यांकडे लक्ष वेधण्याचा प्रयत्न केला व नंतर नगरपरिषद कार्यालयासमोर बेमुदत काम बंद व ठिय्या आंदोलन सुरू केले आहे.

आम आदमी पार्टी चा भद्रावती न. प. कंत्राटी कामगारांना किमान वेतन करिता आंदोलनाला जाहीर पाठिंबा

        राष्ट्रीय कामगार सेना द्वारे नगर परिषद भद्रावती येथील कंत्राट कामगारांना घेऊन कायद्या नुसार किमान वेतन साठी आंदोलन करण्यात आले. या आंदोलनाला आम आदमी पार्टी चंद्रपूर जिल्ह्यातील शिष्ठ मंडळ यांनी भेट दिली व आंदोलनाला पाठिंबा देत येत्या दोन दिवसात कामगारांच्या मागण्या पूर्ण करा अन्यथा नगर परिषद कार्यलयात आंदोलनाला बसू असा इशारा आप जिल्हा उपाध्यक्ष सुरज शहा यांनी दिला.