28 जुलै रोजी गुणवंत विद्यार्थ्यांचा गुणगौरव सोहळा

चांदा ब्लास्ट

शैक्षणिक सत्र 2023-24 मध्ये 10वी व 12वी च्या परीक्षेत गुणवत्ता प्राप्त विद्यार्थ्यांचा गुणगौरव सोहळा दरवर्षीप्रमाणे यंदाही डॉ. गंगाराम अहीर चॅरीटेबल ट्रस्ट चंद्रपूर व कमल स्पोर्टंग क्लब चंद्रपूरच्या संयुक्त विद्यमाने दि. 28 जुलै 2024 रोजी आयोजित करण्यात आला आहे.

स्थानिक गंजवार्ड येथील आयएमए (इंडियन मेडीकल असोसिएशन) सभागृहात सकाळी 11 वाजता होणाऱ्या या गुणगौरव सत्कार सोहळ्याच्या अध्यक्षस्थानी राष्ट्रीय मागासवर्गीय आयोगाचे अध्यक्ष तथा पुर्व केंद्रीय गृह राज्यमंत्री हंसराज अहीर राहणार आहेत. महानगरातील मान्यवर पाहुण्यांच्या उपस्थितीत होत असलेल्या या कार्यक्रमास शाळा, कनिष्ठ महाविद्यालयाचे गुणवंत विद्यार्थी, पालक व शिक्षकवृंदानी बहुसंख्येनी उपस्थित राहावे असे आवाहन कमल स्पोर्टींग क्लबचे जिल्हाध्यक्ष रघुवीर अहीर व क्लबच्या पदाधिकाऱ्यांनी केले आहे.