जखमी चितळाचा मृत्यू.

चांदा ब्लास्ट –

(प्रशांत गेडाम)
नागभीड- ब्रह्मपुरी वन विभाग ब्रम्हपुरी अंतर्गत येणाऱ्या तळोधी बाळापुर वनपरिक्षेत्रातील आलेवाही बिटातील हस्तानपूर गावालगत आज दि.8/2/2024 ला सकाळचा दरम्यान एक जखमी चितळ एका शेतात असल्याचे लोकांच्या निदर्शनास आले. त्याची माहिती तात्काळ स्वाब संस्थेला देण्यात आली. माहिती मिळतात स्वाब संस्थेने वन विभागाला माहिती देऊन घटनास्थळी भेट दिली त्यावेळेस जखमी अवस्थेत असलेला नर चितळाचा हा उपचारापूर्वीच काही वेळातच मृत्यू झाला. यावेळी माने क्षेत्र सहाय्यक तळोधी बाळापुर , मेकेवार वनरक्षक आलेवाही बीट यांनी घटनास्थळाचा पंचनामा केला. करून तळोदी बाळापुर वनपरिक्षेत्रातील सावरगाव येथील रोपवाटिकेमध्ये बनाईत पशुवैद्यकीय अधिकारी यांनी शव विच्छेदन केले व नंतर चितळाला जाळण्यात आले.
यावेळी अरूप कन्नमवार वनपरिक्षेत्र अधिकारी तळोधी बा, राजेंद्र भरने वनरक्षक तळोधी, यश कायरकर अध्यक्ष स्वाब संस्था, सदस्य व वन मजूर उपस्थित होते.