ब्रम्हपुरी तालुक्यातील माहेर गावात शोककळा

चांदा ब्लास्ट प्रतिनिधी

नंदु गुद्देवार, ब्रम्हपुरी

ब्रम्हपुरी शहरापासून पाच किलोमीटर अंतरावरील मौजा माहेर येथून वर्धा जिल्ह्यात चना कापायला गेलेल्या 17 महिला काम आटोपून सुमो या वाहनाने परत येत असताना दिनाक 8 ला सायंकाळी 7:30 दरम्यान उमरेड तालुक्यातील सिर्सी जवळ वाहन पलटून झालेल्या अपघातात तीन महीलांचा घटना स्थळीच नागपूर येथे उपचारासाठी नेत असताना वाटेत एका महिलेचा दुर्दैवी मृत्यु झाला असुन सुमो चालकासह 13 महिला गंभीर जखमी असल्याची प्राथमिक माहिती प्राप्त झाली आहे.

सविस्तर वृत्त असे की, ब्रम्हपुरी शहराजवळील माहेर येथील 17 महिला मागील काही दिवसांपासून वर्धा जिल्ह्यात चणा कापणीच्या कामाला जात होत्या. एक सुमो रोज त्यांना चणा कापणी करता घेऊन जात असे व सायंकाळी परत वापस माहेर येथे आणून देत असे.

मागील काही दिवससांप्रमाणे माहेर येथील 17 महिला 8 फेब्रुवारीला पहाटे सुमो वाहनाने वर्धा जिल्ह्यातील पिंपरी या गावी चणा कापणीला गेल्या होत्या. सायंकाळी 7:30 वाजता परत येत असताना उमरेड तालुक्यातील सिर्शी जवळ त्यांच्या वाहनं पलटून गंभीर अपघात झाला.

वृत्त लिहेपर्यंत प्राप्त माहिती नुसार अपघातामध्ये रत्नमाला मेश्राम, इंदिरा महाजन , रसिका बागडे या महिलांचा जागीच मृत्यू झाला तर सोनाबाई सिद्दुके ही नागपूर येथे नेत असताना वाटेत मरन पावली जखमी तनवी विनोद मेश्राम, दुर्गा विजय आडकिने, संगीता देविदास आडकिने, वीणा विक्रांत अडकिने, संध्या संतोष बागडे, सरिता विजय नागापुरे, मनोरथा शांताराम मेश्राम, राजश्री राजेश्वर मेश्राम, बेबी ईश्वर मेश्राम, जनाबाई अर्जुन बावणे, अश्विनी अरविंद बागडे या महिलांसह सुमो चालक शंकर प्रभाकर मसराम वय 30 राहणार जांभुळघाट हा गंभीर जखमी झाल्याची माहिती आहे.

घटनेची माहिती माजी जिल्हा परिषद सदस्य सतीश वारजुरकर यांना होताच यांनी घटनास्थळ गाठून मदत कार्याला सुरुवात केली. एका रुगणवाहिकेतून तीन महिलांचे शव उमरेड येथे पाठवण्यात आले. उर्वरित जखमींना रुग्णवाहिकेतून नागपूर येथे हलविण्यात आले असून स्वतः सतीश वारजुरकर जखमी सोबत नागपूरला गेले असून सर्व घटनेवर लक्ष ठेऊन आहेत. घटनेची माहिती माहेर येथे होताच सर्व गावात शोककळा पसरली आहे.