सावलीत दोन दिवशीय भव्य शेतकरी मेळावा व कृषी प्रदर्शनी

चांदा ब्लास्ट प्रतिनिधी. डॉ. शेखर प्यारमवार

बहुसंख्य शेतकऱ्यांनी सहभागी होण्याचे आवाहन

महाराष्ट्र राज्याचे माजी राज्यमंत्री, जिल्हा परिषदेचे माजी अध्यक्ष,भारत शिक्षण प्रसारक मंडळ सावलीचे संस्थापक अध्यक्ष लोकनेते स्वर्गीय वामनराव पा.गड्डमवार यांच्या जयंतीनिमित्त स्व.वामनरावजी पाटील गड्डमवार स्मृती प्रतिष्ठान सावलीच्या वतीने दिनांक २२ व २३ डिसेंबर २०२५ रोजी दोन दिवसीय भव्य शेतकरी मेळावा व कृषी प्रदर्शनी तथा प्रगतशील शेतकरी सन्मान सोहळ्याचे आयोजन विश्वशांती विद्यालयाच्या प्रांगणात करण्यात आलेले आहे.

आयोजित शेतकरी मेळाव्याचे उद्घाटन माजी मंत्री तथा आमदार विजय वडेट्टीवार यांच्या शुभहस्ते अध्यक्ष म्हणून आमदार सुधाकर अडबाले,प्रमुख पाहुणे म्हणून विधान परिषदेचे आमदार अभिजित वंजारी ,नगराध्यक्ष साधनाताई वाढई,संदीप गड्डमवार, नंदाताई अल्लुरवार,अनिल स्वामी, राजाबाळ संगीडवार, रमाताई गड्डमवार,डॉ.विजय शेंडे तथा समस्त पदाधिकारी यांचे उपस्थितीत उद्घाटन सोहळा पार पडणार आहे.

   मेळाव्याच्या पहिल्या दिवशी कापूस लागवड तंत्रज्ञान व संगोपन या विषयावर डॉ. श्रीकांत अमरशेट्टीवार सहयोगि संशोधन संचालक यवतमाळ, सेद्रिय शेती विषयावर भास्कर गायकवाड तालुका कृषी अधिकारी बल्लारपूर,*शेती पूरक व्यवसाय* या विषयावर डॉ.सोनाली लोखंडे अधिव्याख्याता कृषी विज्ञान केंद्र सिंदेवाही, धान पिकाची लागवड व संगोपन या विषयावर दिनेश पानसे गुण नियंत्रण निरीक्षक तालुका कृषी विभाग सावली,तर डॉ.उषा डोंगरवार वरिष्ठ शास्त्रज्ञ,कृषी विज्ञान केंद्र भंडारा यांचे धान शेतीस पूरक उद्योग या विषयावर मार्गदर्शन लाभणार आहे.

शेतकरी मेळाव्याचे दुसऱ्या दिवशी सावली तालुक्यातील प्रगतशील शेतकरी सन्मान सोहळा आयोजित करण्यात आलेले असून त्यात प्रमुख अतिथी म्हणून पुलकित सिंग मुख्य कार्यपालन अधिकारी चंद्रपूर,शंकर तोटावार जिल्हा कृषी अधीक्षक,चंद्रपूर,प्रीती हिरवळकर जिल्हा कृषी अधिकारी गडचिरोली, विरेंद्र राजपूत जिल्हा कृषी विकास अधिकारी चंद्रपूर व अंकेक्षक सुनील बल्लमवार उपस्थित राहणार आहेत.

दोन दिवसीय भव्य शेतकरी मेळावा व कृषी प्रदर्शनी मध्ये सहभागी होणाऱ्या शेतकऱ्यांना लकी ड्रॉ च्या माध्यमातून भेट वस्तू देण्यात येणार आहे. आयोजित दोन दिवसीय शेतकरी मेळावा आणि कृषी प्रदर्शनी मध्ये बहुसंख्य शेतकऱ्यांनी सहभागी होऊन शेतीविषयक होणाऱ्या मार्गदर्शनाचा लाभ घ्यावा असे आवाहन स्व.वामनराव पाटील स्मृती प्रतिष्ठान सावलीच्या वतीने करण्यात आले आहे.