जि. प. टेकामांडवा शाळेची शैक्षणिक सहल नागपूर परिसरात
चांदा ब्लास्ट प्रतिनिधी. संतोष इंद्राळे
जिवती :- जिवती पंचायत समिती अंतर्गत जिल्हा परिषद उच्च प्राथमिक केंद्र शाळा टेकामांडवा येथील शाळेची एक दिवसीय शैक्षणिक सहल नागपूर परिसरात शैक्षणिक व ऐतिहासिक ठिकाणांना भेट देऊन आली.
विद्यार्थ्यांना ऐतिहासिक व शैक्षणिक ठिकाणांची माहिती व्हावी परिसरातील विविध घडामोडींबद्दल माहिती व्हावी या उद्देशाने जीवती अंतर्गत जि प टेकामांडवा या शाळेची शैक्षणिक सहल चंद्रपूर येथील महाकाली मंदिर, भद्रावती येथील विजासन लेणी, श्रद्धेय बाबा आमटे यांची कर्मभूमी असलेल्या आनंदवन व तेथील मुक्तांगण, दिव्यांग बांधवांचा असलेला आर्केस्ट्रा,विणकाम,हातमाग तसेच नागपूर येथील रमण विज्ञान केंद्र ,महाराज बाग, झिरो माइल, दीक्षाभूमी, मॉल व मेट्रो प्रवास इत्यादी ठिकाणांना भेट देऊन सुरक्षित टेकामांडवा येथे परत आली. यावेळी या सहलीत एल एम पवार, किसन बावणे, दीपक गोतावळे,मुखळा मलेलवार व ४४ विद्यार्थी सहभागी झाले होते.
ही शैक्षणिक सहल संवर्ग विकास अधिकारी भागवत रेजिवाड, गटशिक्षणाधिकारी सुनील झोडे यांच्या मार्गदर्शनाखाली तसेच पालक वृंद,सहकारी रुपेश मांदाळे, उषा डोये यांचे सहकार्यामुळे यशस्वीरित्या पूर्ण केली.