तीन पैकी एका बलात्कारी पोलिसावर अखेरीस गुन्हा दाखल – वर्षभरापासून सुरू होता विवाहितेवर अत्याचार

आशिष रैच, राजुरा

सविस्तर वृत्त असे की, चंद्रपूर पोलीस विभागातील रामनगर पोलीस ठाण्यात गुन्हे शाखेत कार्यात पोलीस मेजर संजय अतकुलवार हा एका विवाहित महिलेचे मागील वर्षभरापासून जबरीने लैंगिक शोषण करीत होता, ह्यकामी इतर दोन पोलिसांचा सहभाग होता असा आरोप पीडित विवाहितेने केला आहे. अखेरीस तीनही पोलिसांचे लैंगिक शोषण असह्य झाल्याने विवाहिता रामनगर पोलीस ठाण्यात तक्रार दाखल करण्यास गेली असता सहकारी कर्मचाऱ्याला वाचविण्यासाठी त्या महिलेची तक्रार दाखल करून घेण्यास टाळाटाळ सुरू होती अखेरीस घटना कळताच काही सामाजिक संस्थांच्या महिलांनी पोलीस ठाणे गाठुन गुन्हा नोंदविण्यास भाग पाडल्याने महिलेला तुर्तास तक्रार दाखल करण्यात यश आले असले तरीही सहकारी कर्मचाऱ्याविरुद्ध तपास योग्य पद्धतीने होईल का? व पीडितेला न्याय मिळेल का? असे प्रश्न निर्माण झाले आहे.

ह्या पोलिसांची जबरी व शारीरिक शोषणाला कंटाळुन अखेरीस पिडीत महिला सायंकाळी 7 वाजता रामनगर पोलीस ठाण्यात तक्रार गेली मात्र पोलिसांनी तक्रार दाखल करून घेण्यास टाळाटाळ करून आरोपींना वाचविण्याचा प्रयत्न सुरू केल्याचे पिडीतेचे म्हणणे असुन अखेरीस सरिता मालू व सरस्वती दास ह्या महिला सामाजिक कार्यकर्त्यांनी पोलीस ठाणे गाठले व महिलेला आधार दिला. अखेरीस जिल्हा पोलिस अधीक्षकांना घटनेची माहिती कळताच त्यांनी अप्पर पोलीस अधीक्षक रीना जनबंधू तसेच उविपो अधीकारी यादव, ह्यांना दिलेल्या निर्देशानुसार दोन्ही वरिष्ठ अधिकाऱ्यांनी रामनगर पोलीस ठाण्यात जाऊन महिलेची चौकशी केल्यानंतर आरोपी मेजर संजय अतकुलवार ह्याच्यावर भादंवि कलम 1860 चे कलम 450, 376 (2) (अ) (1), 376,506 नुसार गुन्हा दाखल केला मात्र महिलेने आरोप इतर दोन पोलीस कर्मचाऱ्यांवर कुठलाही गुन्हा दाखल करण्यात आलेला नाही हे विशेष.