विद्यार्थ्यांच्या सर्वांगीण विकासासाठी सामंजस्य करार
चांदा ब्लास्ट प्रतिनिधी. प्रा. शेखर प्यारमवार
राष्ट्रपिता महात्मा गांधी कला वाणिज्य व विज्ञान महाविद्यालय सावली जिल्हा चंद्रपूर व मारगीन कंसल्टी प्रायव्हेट लिमिटेड ठाणे यांच्यामध्ये दिंनाक २० जून २०२३ ला सामंजस्य करार करण्यात आला. ह्या करारा अंतर्गत महाविद्यालयात शैक्षणिक वर्ष २०२३-२४मध्ये विद्यार्थांसाठी आभासी पद्धतीने व प्रत्यक्षरीत्या विद्यार्थ्याना व्यक्तिमत्त्व विकास, मानव संसाधन विकास, डिजिटल मार्केटिंग, वित्तीय साक्षरता , मुलाखती ची तयारी कशी करायची इत्यादी संबंधी प्रशिक्षण दिले जाणार आहे. हा उपक्रम महाविद्यालयाच्या करिअर गाईडन्स व प्लेसमेंट सेल अंतर्गत राबविले जाणार आहेत. हे सामंजस्य करार करतांना महाविद्यालयाचे कार्यकारी प्राचार्य डॉ.अशोक खोब्रागडे व मारगीन कंसल्टी प्रायव्हेट लिमिटेड चे सह संस्थापक व संचालक गुणवंत आंबेकर,आक्युएसी समन्वयक प्रा.संदीप देशमुख,मारगीन प्रायव्हेट लिमिटेड चे समन्वयक उल्हास आलेवार,करिअर गाईडन्स व प्लेसमेंट सेल चे समन्वयक प्रा.डॉ.विजयसिंग पवार व इतर मान्यवर यांची उपस्थिती होती. हा सामंजस्य करार करण्याचा प्रमुख उद्देश विद्यार्थ्यांचे सर्वांगीण विकास करणे हा आहे… तरी महाविद्यालयातील सर्व विद्यार्थ्यांनी याचा लाभ घ्यावा. असे आवाहन यावेळी करण्यात आले.
