वाघ दिसल्याच्या घटनेने स्थानिक नागरिक आणि सोशल मीडियात खळबळ
चांदा ब्लास्ट
घुग्घुस (चंद्रपूर) : महाराष्ट्रातील गाडेगाव परिसरात नववर्षाच्या पहिल्या दिवशी वाघ दिसल्याच्या घटनेने स्थानिक नागरिक आणि सोशल मीडियात खळबळ उडाली आहे. या घटनेचा व्हिडिओ सध्या व्हायरल होत आहे, ज्यामध्ये एक व्यक्ती गाडेगाव चेक पोस्ट बंद करण्याबाबत बोलताना ऐकू येत आहे.
स्थानिक लोकांच्या म्हणण्यानुसार हा परिसर कामगारांसाठी प्रमुख मार्ग असून, येथे वाघ दिसल्याने दहशतीचे वातावरण निर्माण झाले आहे. याआधीही या भागात वाघ दिसण्याच्या घटना घडल्या असल्याचं सांगण्यात येत आहे, मात्र यावेळी नववर्षाच्या मुहूर्तावर ही बातमी लोकांचे लक्ष वेधून घेत आहे.
वनविभाग व स्थानिक प्रशासनाने याकडे गांभीर्याने लक्ष द्यावे. परिसरात गस्त घालण्यात यावी आणि लोकांना सतर्क राहण्याचा सल्ला देण्यात यावा. तसेच वाघाला सुरक्षितपणे जंगलात परत नेण्यासाठी तज्ज्ञांचे पथक बोलवावे.
या घटनेने मानव आणि वन्यजीव यांच्यातील वाढत्या संपर्क आणि संघर्षाच्या समस्येवर पुन्हा एकदा प्रकाश टाकला आहे.
