तायक्वांदो स्पर्धेत लोकमान्य विद्यालयाचे अनामिका व कार्तिक विभागस्तरावर
चांदा ब्लास्ट प्रतिनिधी. अतुल कोल्हे
जिल्हास्तरीय शालेय तायक्वांदो स्पर्धेत लोकमान्य विद्यालय तथा कनिष्ठ महाविद्यालय भद्रावती येथील कु.अनामिका कैलास कापसे व कार्तिक पांडुरंग शहारे या खेळाडूंनी बाजी मारली असून ते आता विभाग स्तरावर खेळणार आहे.
तायक्वांदो स्पर्धेत १७ वर्षाखालील गटात अनामिका कापसे व १४ वर्षाखालील गटात कार्तिक शहारे या खेळाडूंनी जिल्हास्तरावर विजेतेपद मिळवले यानंतर हे दोनही खेळाडू विभाग स्तरावर चंद्रपूर जिल्ह्याचे नेतृत्व विभागस्तरावर करणार आहे. विजयी खेळाडूंचे लोकसेवा मंडळाचे अध्यक्ष चंद्रकांत गुंडावार, प्राचार्य सचिन सरपटवार, उपप्राचार्य रूपचंद धारणे, पर्यवेक्षक प्रफुल वटे, क्रीडा विभाग प्रमुख विशाल गावंडे, रविंद्र नंदनवार व सर्व शिक्षक व शिक्षकेतर कर्मचारी वृंदांनी अभिनंदन केले. व पुढील वाटचाली करिता शुभेच्छा दिल्या. खेळाडूंनी आपल्या यशाचे श्रेय प्रशिक्षक सतिश खेमस्कर, प्रणाली पिंपळकर, हेमंत कोवे यांना दिले.
