स्त्रीरोगतज्ञ डॉ.बळीराम पारसेवार इंडियन अचिव्हर्स अवार्डने सन्मानित

चांदा ब्लास्ट

लातूर जिल्हयाचे भूमिपूत्र तसेच मुंबई येथील ओम साई हॉस्पिटल येथील कार्यरत प्रसिद्ध स्त्रीरोगतज्ञ डॉ बळीराम डी पारसेवार यांना त्यांच्या वैदयकीय क्षेत्रातील योगदानाबद्दल इंडियन अचिव्हर्स अवार्ड ने नवी दिल्ली येथील हॉटेल हयात रेजन्सी येथे दि.२८ फेब्रुवारी बुधवार रोजी केंद्रीय मंत्री नितीन गडकरी यांचे हस्ते गौरवण्यात आले.

या कार्यक्रमात आरोग्य क्षेत्रातील प्रसिद्ध संस्थेमार्फत भारतातील सामाजिक, वैद्यकीय, शिक्षण व क्रीडा क्षेत्रात उल्लेखनिय कार्य करणाऱ्या नामांकित ३० व्यक्तींना हा पुरस्कार देऊन गौरविण्यात आले आहे लातूर चे भूमिपुत्र व वैद्यकीय क्षेत्रात, ओम साई हॉस्पिटल वसई,मुंबई येथे १८ वर्षापासून कार्यरत असलेल्या प्रसिद्ध स्त्रीरोगतज्ञ डॉ. बळीराम डी पारसेवार यांना त्यांच्या वैद्यकीय क्षेत्रातील योगदानाबद्दल इंडियन अचिव्हर्स आवार्ड प्रसिद्ध केंद्रीय मंत्री नितीनजी गडकरी यांच्या हस्ते व अन्य मान्यवर मंडळीच्या उपस्थित भव्य कार्यक्रमात, दिल्ली येथे हॉटेल हयात रेजन्सी हॉटेल मध्ये वितरण करण्यात आला त्यांच्या या कार्याचे व पुरस्काराचे समाजातील सर्व स्तरांतील लोकांनी अभिनंदन करत त्यांना पुढील वाटचालीसाठी शुभेच्छा देऊन स्वागत केले.

डॉ. बळीराम डी. पारसेवार यांचा अल्पपरिचय. प्रसूतिशास्त्र आणि स्त्रीरोग शास्त्राच्या क्षेत्रातील अनुभवाचा खजिना असलेले प्रख्यात चिकित्सक म्हणून डॉ. बळीराम डी. पारसेवार ओळखले जातात ते उच्च दर्जाची वैद्यकीय सेवा देण्यासाठी सुपरिचित असलेल्या अम साई हॉस्पिटल वसई विरार मुंबई येथे मागील १८ वर्षापासून कार्यरत आहेत व सध्या ते रुग्णालयाचे वैद्यकीय संचालक आहेत सावंगी (मेघे), वर्धा येथील जेएन मेडिकल कॉलेजमधून एमबीबीएसची पदवी घेतल्यानंतर डॉ. पारसेवार यांनी वैद्यकीय क्षेत्रात आपली कारकीर्द सुरू केली. अतिरिक्त प्रसूती आणि स्त्रीरोग विशेषज्ञतेचा पाठपुरावा केल्यानंतर, त्यांनी नागपूरच्या इंदिरा गांधी वैद्यकीय महाविद्यालयातून एमडी पदवी प्राप्त केली.

त्यांनी मुंबईच्या ग्लोबल इन्स्टिट्यूटमधून. पीजीडीएमएलएस आणि दिल्ली बोर्डाकडून डीएनबी प्रमाणपत्रही मिळवले आहे. डॉ. पारसेवार यांचा त्यांच्या कारकिर्दीतील अनेक वैद्यकीय संघटनांमध्ये सहभाग हे आरोग्यसेवा प्रक्रियेत सुधारणा करण्याच्या त्यांच्या समर्पणाचे द्योतक आहे. आयएमए वसई (इंडियन मेडिकल असोसिएशन) चे अध्यक्ष म्हणून कार्यरत आहेत तसेच वैद्यकीय जागरूकता आणि शिक्षण वाढविण्यात महत्त्वपूर्ण भूमिका बजावली आहे.