चंद्रपूरचांदाब्लास्ट विशेषविदर्भ

विद्यार्थ्यांवर आँनलाईन शिक्षणाचा भडिमार

तर दुसरीकडे अन्ड्राईड मोबाईलचा अभाव आणि नेटकनेक्टीविटी ची समस्या

चांदा ब्लास्ट 

कोरोना काळात सत्र 2020-21 मध्ये इयत्ता 1 ते 4 सुरू झाल्याच नाहीतर 27 जानेवारी 21 पासून इयत्ता 5 ते 8 सुरू झाल्यात. मागील शैक्षणिक वर्षात आँनलाईन व इतर विविध मार्गांनी विद्यार्थ्यांचे प्राथमिक शिक्षण सुरू होते. परंतु अपेक्षित यश न आल्याने सत्र 2021-22 मध्ये विविध आँनलाईन शिक्षणाचा भडिमार विद्यार्थ्यांवर विविध उपक्रमांद्वारे करण्यात येत आहे. सेतू अभ्यासक्रम,शाळा बाहेरची शाळा,शाळा बंद पण शिक्षण आहे,देखो अपना देश,शिकू आनंदें,स्वाध्याय उपक्रम हे उपक्रम आहेत. त्यामुळे शिक्षक, विद्यार्थी,पालक त्रस्त झाल्याचे सर्वत्र दिसून येत आहे. मागील वर्षीच्या इयत्तेच्या पाठ्यक्रमाची उजळणी व्हावी आणि चालू वर्षीच्या इयत्तेच्या अभ्यासक्रमाची पूर्वतयारी होण्याच्या दृष्टीने 1 जुलै 2021 पासून” सेतू अभ्यासक्रम “सुरू करण्यात आला असून तो 14 ऑगस्ट 21 पर्यंत चालणार आहे. या उपक्रमात दर पंधरा दिवसांनी एक अशा पंचेचाळीस दिवसांत तीन चाचणी होणार असून अभ्यासक्रमाचे पुस्तक उपलब्ध नसून पी.डी.एफ. स्वरूपातील अभ्यासक्रम मोबाईल मध्ये डाऊनलोड करायचा आहे.


हा अभ्यासक्रम सुरू असतानाच “शाळा बाहेरची शाळा” हा नागपूर आकाशवाणीवरील विभागीय आयुक्त नागपूर यांचा उपक्रम दर मंगळवार, गुरूवार,शनिवार ला सकाळी १०.३५ वाजता आयोजित आहे.
सोबतच” शाळा बंद पण शिक्षण सुरू” हा रोजचा आँनलाईन उपक्रम सुरू असून दररोज लिंकद्वारे पाठविण्यात येत आहे.
प्रत्येक रविवारी” देखो अपना देश” ही बेबमालीका लिंकवर सुरू झाली आहे. या मालिकेत ऐतिहासिक शहरांची माहिती देण्यात येणार आहे.
“शिकू आनंदें” हा कला, कार्यानुभव, शारीरिक शिक्षण यावर आधारित उपक्रम दर शनिवारी आँनलाईन होत असून त्याची वेळ सकाळी आहे. हे सर्व सुरू असतांनाच दिनांक १७ जुलै २०२१ पासून स्वाध्याय उपक्रम सुरू करण्यात आला असून यामध्ये भाषा व गणित यांचा साप्ताहिक स्वाध्याय देण्यात येत असून तो विद्यार्थ्यांनी आँनलाईन सोडवायचा आहे.बहुतांश विद्यार्थ्यांकडे अन्ड्राईड मोबाईल नसतो. तो पालकांकडे असतो. पालक तो आपल्या पाल्याला देईल की नाही याची शाश्वती नाही. एकीकडे आँनलाईन अभ्यासक्रमाचा वाढता भडिमार तर दुसरीकडे अन्ड्राईड मोबाईलचा अभाव आहे,अशा परिस्थितीत वर्गशिक्षकाचे मोबाईल चा आधार विद्यार्थ्यांना घ्यावा लागत असतांनाच नेटकनेक्टीविटी ची समस्या उभी आहे. आँनलाईन शिक्षणात सहभागी होणारे विद्यार्थी संख्या कमी असतांनाच आँनलाईन शिक्षणाचा भडिमार का केला जात आहे? हे न उलगडणारे कोडे आहे.
———————————
“शिक्षण आले आपल्या दारी” या ब्रिद वाक्यावर विविध आँनलाईन उपक्रम प्राथमिक स्तरावर राबविणे. यामध्ये प्राथमिक स्तरावरच्या विद्यार्थ्यांच्या मानसिकतेचा कोठेही विचार करण्यात आला नसून ‘आँनलाईन नको पण शाळा सुरू कर’ अशी व्यवस्था प्राथमिक शिक्षणाची झाली असल्याचे महाराष्ट्र राज्य शिक्षक परिषद ( प्राथमिक)चे राज्य सहकार्यवाह प्रकाश चुनारकर यांनी म्हटले असून तसे निवेदन त्यांनी संचालक राज्य शैक्षणिक संशोधन व प्रशिक्षण परीषद पुणे यांचेकडे पाठविले आहे.

Related Articles

Leave a Reply

Your email address will not be published. Required fields are marked *

Back to top button