विदर्भातील पहिला बल्लारपुर ओडीएफ़ प्लस तालुका घोषीत

चांदा ब्लास्ट

दिनांक 28/06/2023 स्वच्छ भारत मिशन (ग्रामीण)टप्पा 2 अंतर्गत जिल्ह्यात मोठ्या प्रमाणात  सांडपाणी व घनकचरा व्यवस्थापनाची कामे चालु असुन यामध्ये बल्लारपुर तालुक्यातील गावे ओडीएफ़ प्लसच्या मानकांमध्ये बसत असल्यामुळे नुकताच बल्लारपुर तालुका उदयमान  या घटकात ओडीएफ़ प्लस करण्यात आला असुन, बल्लारपुर तालुकाला विदर्भातील पहिला ओडीएफ़ प्लस तालुका ठरला आहे.

          स्वच्छ भारत मिशन (ग्रामीण)टप्पा 2 मध्ये ओडीएफ़ प्लस करतांना उदिमान, उज्वल व उत्कृष्ट या तीन घटकामध्ये घोषीत केल्या जात असुन, बल्लारपुर तालुक्यात 17 ग्रामपंचायती असुन, 26 गावे या तालुक्यामध्ये आहेत. यापैकी 10 गावे उत्कृष्ट या घटकातुन ओडीएफ़ प्लस म्हणुन घोषीत करण्यात आली तर, 16 गावे उदिमान या घटकातुन ओडीएफ़ प्लस म्हणुन घोषीत करण्यात आली. त्यानुसार बल्लारपुर पंचायत समीतीचे गटविकास अधिकारी अनिरुध्द वाळके यांनी प्रसिध्दीस दिलेल्या पत्रका द्वारे  बल्लारपुर तालुका उदयमान  या घटकात ओडीएफ़ प्लस झाल्याचे जाहीर केले आहे. या अगोदर सन 2016 मध्ये बल्लारपुर तालुका हा विदर्भातील पहिला हागणदारीमुक्त तालुका होण्याचा मान मिळाला होता. तीच परपंरा बल्लारपुर तालुक्यानी कायम ठेवली आहे.